чавушоғлу: терроризмға қарши  күрәш ирадиси йеңи истиратегийәлик уқумға дахил қилиниши керәк

ташқи ишлар министири мәвлүт чавушоғлу һәр хил шәкилдики терроризмға қарши  күрәш ирадисиниң шималий атлантик әһди тәшкилатида тәййарланған йеңи истратегийәлик уқумға дахил қилиниши керәкликини ейтти.

1833720
чавушоғлу: терроризмға қарши  күрәш ирадиси йеңи истиратегийәлик уқумға дахил қилиниши керәк
Turkiye-Romanya-Polonya.jpg

түркийә авази радийоси хәвири: чавушоғлу, истанбулда, түркийә- руминийә – полша үч тәрәп ташқи ишлар министирлири йиғинидин кейин өткүзүлгән қошма ахбарат елан қилиш йиғинида, учришишта, украина мәсилиси вә келәр ай испанийәниң пайтәхти мадридта чақирилидиған шималий атлантик әһди тәшкилати башлиқлар йиғинидин күүтүлүватқан үмидләр вә муһим нуқтилар һәққидә музакирә елип барғанлиқлирини әскәртиш билән бир вақитта, терроризмниң шималий атлантик әһди тәшкилати вә иттипақдашлириға қарита әң чоң тәһдит икәнликини қәйт қилди, һәмдә шиветсийә билән финландийәниң шималий атлантик әһди тәшкилатиға әзалиқи һәққидә тохтилип мундақ деди: «биз гиретсийәниң македонийәгә қилғинидәк, бир дөләтниң исминиң өзгәртилишиниму халимаймиз. тәлипимиз интайин очуқ болуп, мәзкур икки дөләт терроризмни қоллашни тохтитиши керәк. җүмлидин, дөләт мудапиәси санаити мәһсулатлиримизға қойған чәклимиләрниму бикар қилиши лазим. түркийә шиветсийә билән финландийәдин бу һәқтә иҗабий қәдәмләрни ташлишини күтмәктә. <қандақла болмисун, түркийәни һаман қайил қилармиз», қариши тоғра әмәс. дәрвәқә, улар терроризмни қоллашни үзүши керәк.»

у,  шималий атлантик әһди тәшкилатида тәййарланған йеңи истратегийәлик уқум һәққидә тохтилип мундақ деди: «һәр хил шәкилдики терроризмға қарши  күрәш ирадиси, шималий атлантик әһди тәшкилатида тәййарланған йеңи истратегийәлик уқумға дахил қилиниши керәк.»



مۇناسىۋەتلىك خەۋەرلەر