алий мәслиһәт оргини җумһур рәис әрдоғанниң рийасәтчиликидә йиғин чақирди

түркийә җумһурийити җумһур рәислик мәһкимиси алий мәслиһәт оргини җумһур рәис рәҗәп таййип әрдоғанниң рийасәтчиликидә йиғин чақирди.

1832013
алий мәслиһәт оргини җумһур рәис әрдоғанниң рийасәтчиликидә йиғин чақирди

түркийә авази радийоси хәвири: түркийә җумһурийити җумһур рәислик мәһкимиси учур – алақә ишлири идариси дериктори фаһрәттин алтун, җумһур рәислик мәһкимиси бинасидики тәхминән 3 саәт давамлашқан йиғин һәққидә йазма байанат елан қилип, йиғин иштиракчилириниң түркийәниң көчмәнләрни башқуруш сийасити вә һәр хил салаһийәтләр билән түркийәдә туруватқан чәт әлликләргә мунасивәтлик мәсилиләрни музакирә қилғанлиқини уқтурди.

җумһур рәис әрдоған йиғинда, түркийәниң өтмүштикигә охшашла һазирму өз чеграсиға келип һәр хил усуллар билән земинлирида панаһланған һәрқандақ бир зулумға,йаки зийанкәшликкә учриғучидин йүз өримигәнликини оттуриға қойди.

түркийә бихәтәрликини капаләткә игә қилған сүрийәниң шималидики районларға қайтқанлар саниниң 500 миңдин ешип кәткәнликини билдүргән җумһур рәис әрдоған, бу районлардики хәлқараниң мәблиғи билән бәрпа қилинидиған йеңи олтурақ җайлириниң қәд көтүрүши билән техиму көп сүрийәликниң өйигә қайтип кетишигә капаләтлик қилинидиғанлиқини әскәртти.

җумһур рәис әрдоғанниң йиғинда йәнә «бизниң етиқадимиз, мәдәнийитимиз вә қиммәт қарашлиримизда орни болмиған йатларни йаман көрүшкә дөлитимизниң қәтий йол қоймайдиғанлиқи»ни ейтқанлиқи қәйт қилинди.



مۇناسىۋەتلىك خەۋەرلەر