türkiye gruziyening zémin pütünlüki we igilik hoquqining küchlük qollighuchisidur

gruziye dairiliri türkiyening gruziyening zémin pütünlüki we igilik hoquqini, shundaqla nato we yawropa ittipaqi bilen birlishishni küchlük qollap quwwetligenlikini élan qildi.

1830283
türkiye gruziyening zémin pütünlüki we igilik hoquqining küchlük qollighuchisidur

türkiye awazi radiyosi xewiri: gruziye tashqi ishlar ministirliqining resmiy tor bétide 1992-yili 5-ayning 21-küni türkiye bilen gruziye otturisida diplomatik munasiwetlerning ornitilghanliqining 30 - yilliqi munasiwiti bilen élan qilinghan bayanatida, ikki dölet otturisidiki munasiwetlerning muweppeqiyetlik tereqqiy qilghanliqi tekitlendi.

bayanatta, türkiyening 1991-yili 12-ayning 16-küni gruziyening musteqilliqini étirap qilip, gruziyening musteqilliqini étirap qilghan tunji döletke aylanghanliqi shundaqla «1992-yili 30-iyulda dostluq, hemkarliq we yaxshi qoshnidarchiliq kélishimi» imzalanghanliqi eskertildi.

diplomatik munasiwet qayta ornitilghandin kéyin, 1994-yili gruziyening enqerede turushluq bash elchixanisi, shu yili yene trabzonda we 1988-yili istanbulda bash konsolxana échilghanliqi uqturuldi.

bayanatta, «gruziye bilen türkiyening hemkarliqi istratégiyelik hemkarliqtur, siyaset, soda-iqtisad, sehiye, ul eslihe medeniyet we insanperwerlik saheliride muweppeqiyetlik tereqqiy qilmaqta» déyildi.

bayanatta yene, türkiye bilen gruziye otturisidiki öz-ara yuqiri qatlamliq ziyaretler arqiliq ikki tereplik munasiwetlerning künséri küchiyiwatqanliqi bildürüldi.

bayanatta, «dölitimizning istratégiyilik shériki bolghan türkiye gruziyening zémin pütünlüki we igilik hoquqining küchlük qollighuchisidur, shuning bilen bir waqitta yene, türkiye gruziyening yawro-atlantik okyan nishanlirinimu qollap quwwetlimektidur» déyildi.


خەتكۈچ: #gruziye , #türkiye

مۇناسىۋەتلىك خەۋەرلەر