түркийә грузийәниң земин пүтүнлүки вә игилик һоқуқиниң күчлүк қоллиғучисидур

грузийә даирилири түркийәниң грузийәниң земин пүтүнлүки вә игилик һоқуқини, шундақла нато вә йавропа иттипақи билән бирлишишни күчлүк қоллап қуввәтлигәнликини елан қилди.

1830283
түркийә грузийәниң земин пүтүнлүки вә игилик һоқуқиниң күчлүк қоллиғучисидур

түркийә авази радийоси хәвири: грузийә ташқи ишлар министирлиқиниң рәсмий тор бетидә 1992-йили 5-айниң 21-күни түркийә билән грузийә оттурисида дипломатик мунасивәтләрниң орнитилғанлиқиниң 30 - йиллиқи мунасивити билән елан қилинған байанатида, икки дөләт оттурисидики мунасивәтләрниң мувәппәқийәтлик тәрәққий қилғанлиқи тәкитләнди.

байанатта, түркийәниң 1991-йили 12-айниң 16-күни грузийәниң мустәқиллиқини етирап қилип, грузийәниң мустәқиллиқини етирап қилған тунҗи дөләткә айланғанлиқи шундақла «1992-йили 30-ийулда достлуқ, һәмкарлиқ вә йахши қошнидарчилиқ келишими» имзаланғанлиқи әскәртилди.

дипломатик мунасивәт қайта орнитилғандин кейин, 1994-йили грузийәниң әнқәрәдә турушлуқ баш әлчиханиси, шу йили йәнә трабзонда вә 1988-йили истанбулда баш консолхана ечилғанлиқи уқтурулди.

байанатта, «грузийә билән түркийәниң һәмкарлиқи истратегийәлик һәмкарлиқтур, сийасәт, сода-иқтисад, сәһийә, ул әслиһә мәдәнийәт вә инсанпәрвәрлик саһәлиридә мувәппәқийәтлик тәрәққий қилмақта» дейилди.

байанатта йәнә, түркийә билән грузийә оттурисидики өз-ара йуқири қатламлиқ зийарәтләр арқилиқ икки тәрәплик мунасивәтләрниң күнсери күчийиватқанлиқи билдүрүлди.

байанатта, «дөлитимизниң истратегийилик шерики болған түркийә грузийәниң земин пүтүнлүки вә игилик һоқуқиниң күчлүк қоллиғучисидур, шуниң билән бир вақитта йәнә, түркийә грузийәниң йавро-атлантик окйан нишанлириниму қоллап қуввәтлимәктидур» дейилди.



مۇناسىۋەتلىك خەۋەرلەر