aqar pakistan bash ministiri bilen körüshti
dölet mudapie ministiri xulusi aqar pakistan bash ministiri shahbaz shérif bilen körüshti.
türkiye awazi radiyosi xewiri: aqar bilen pakistan bash ministiri shahbaz shérif, tünügün karachi portida, pakistan milliy paraxoti layihesining üchinchi paraxoti «berdi» ni déngizgha chüshürüsh murasimigha qatnashqandin kéyin, bir yerge jem boldi.
ikki rehberning uchrishishida, rayonluq mudapie we bixeterlik mesililiri, dölet mudapiesi sanaiti saheside hemkarliq imkaniyetliri heqqide muzakire élip bérildi.
aqar, bu yerde qilghan sözide, türkiye - pakistan munasiwetlirining nahayiti chongqurluqini, ikki dölet xelqlirining tarixtin buyan xushalliqtimu, ghem – qayghudimu bille bolup kelgenlikini, jumhur reis rejep tayyip erdoghanning, türkiyening keshmir mesilisini qollaydighanliqini her daim otturigha qoyup kéliwatqanliqini eskertish bilen bir waqitta, ikki dölet otturisidiki herbiy hemkarliqningmu yenimu yüksek sewiyege yetküzülüshining nahayiti zor ehmiyetke ige ikenlikini tekitlidi.
uchrishishtin, pakistan dölet mudapiesi we ishlepchiqirish ishliri ministiri muhemmed israr tarén bilen türkiyening islamabadta turushluq bash elchisi éhsan mustafa yurdaqulmu orun aldi.
