türkiye: tajikistandiki özgirishlerdin endishe qiliwatimiz
türkiye tajikistanning sherqidiki taghliq bedexshan aptonom wilayitide meydangha kelgen özgirishlerni endishe ichide közitiwatqanliqini bildürdi.
türkiye awazi radiyosi xewiri: türkiye tashqi ishlar ministirliqi teripidin élan qilinghan yazma bayanatta, enqerening, tajikistanning taghliq bedexshan aptonom rayonida meydangha kelgen we amanliq saqlighuchi xadimlirinimu öz ichige alghan ölüm-yétim we yarilinishni keltürüp chiqarghan özgirishlerni endishe ichide közitiwatqanliqi, dölette jemiyetning tinchliqi we muqimliqining tézdin eslige kélishining kütülüwatqanliqi tekitlinip mundaq déyildi: «weqelerde hayatidin ayrilghanlargha allah taaladin rehmet, musibetlik aililerge we qérindash dölet tajikistangha teziye bildürimiz, yarilanghanlargha shipaliq tileymiz.»
tajikistan dairiliri, 18 – may küni döletning sherqidiki taghliq bedexshan aptonom wilayitide, teshkillik jinayetchiler teshkilatigha qarshi élip bérilghan zerbe bérish herikiti dawamida 8 kishining hayatidin ayrilghanliqi we 70 din artuq kishining tutulghanliqini bildürgenidi.
tajikistan ichki ishlar ministirliqi teripidin élan qilinghan bayanatta, teshkillik jinayetchiler teshkilatining rushen nahiyeside ichide eskerlermu bar bolghan aptomobil etritige qilghan hujumida 1 ofitsérning hayatidin ayrilghanliqi, 13 eskerning yarilanghanliqi bildürülgenidi.
