chawushoghlu bilen blinkén türkiye bilen amérikaning hemkarliq iradisini tekitlidi

türkiye bilen amérikaning nöwettiki géo politikiliq sinaqlar qarshisida birlikte yéqin hemkarliq ornitish qetiy iradilirining barliqi tekitlendi.

1829138
chawushoghlu bilen blinkén türkiye bilen amérikaning hemkarliq iradisini tekitlidi

türkiye awazi radiyosi xewiri: türkiye tashqi ishlar ministiri mewlüt chawushoghlu bilen amérika tashqi ishlar ministiri antoni blinkénning körüshüshidin kéyin élan qilinghan ortaq axbaratta: «türkiye bilen amérika, nöwettiki géo politikiliq sinaqlar qarshisida birlikte yéqin hemkarliq ornitish qetiy iradisige ige» dégen signal bérildi.

mewlüt chawushoghlu bilen antoni blinkénning niyu yorkta körüshkenliki eskertilgen bayanatta: «türkiye bilen amérika, nöwettiki géo politikiliq sinaqlar qarshisida birlikte yéqin hemkarliq ornitish qetiy iradisige ige. chawushoghlu bilen blinkén türkiye-amérika istratégiyelik méxanizmi dairiside közde tutulghandek, ochuq we ijabiy söhbet arqiliq ikki tereplik hemkarliqni tereqqiy qildurushni meqset qilidu» déyildi.

ikki ministirning uchrishishida, hemkarliqni kücheytish we mudapie mesililiri, térrorluqqa qarshi küresh, énérgiye we yémeklik bixeterliki, kilimat özgirishige qarshi turush qatarliq jehetlerde hemkarliqni kücheytish we soda alaqisini kücheytishning usulliri, shundaqla konkrét qedemlirining muzakire qilinghanliqi qeyt qilindi.

bayanatta yene mundaq déyildi:

«ministirlar rusiyening qobul qilghili bolmaydighan urushigha qarshi ukrainaning igilik hoquqi we zémin pütünlükini küchlük qollaydighanliqlirini qayta tekitlidi. bu dairide, türkiye bilen amérika urushni axirlashturush charisining tépilishini küchlük qollaydu.»



مۇناسىۋەتلىك خەۋەرلەر