чавушоғлу билән блинкен түркийә билән американиң һәмкарлиқ ирадисини тәкитлиди

түркийә билән американиң нөвәттики гео политикилиқ синақлар қаршисида бирликтә йеқин һәмкарлиқ орнитиш қәтий ирадилириниң барлиқи тәкитләнди.

1829138
чавушоғлу билән блинкен түркийә билән американиң һәмкарлиқ ирадисини тәкитлиди

түркийә авази радийоси хәвири: түркийә ташқи ишлар министири мәвлүт чавушоғлу билән америка ташқи ишлар министири антони блинкенниң көрүшүшидин кейин елан қилинған ортақ ахбаратта: «түркийә билән америка, нөвәттики гео политикилиқ синақлар қаршисида бирликтә йеқин һәмкарлиқ орнитиш қәтий ирадисигә игә» дегән сигнал берилди.

мәвлүт чавушоғлу билән антони блинкенниң нийу йоркта көрүшкәнлики әскәртилгән байанатта: «түркийә билән америка, нөвәттики гео политикилиқ синақлар қаршисида бирликтә йеқин һәмкарлиқ орнитиш қәтий ирадисигә игә. чавушоғлу билән блинкен түркийә-америка истратегийәлик механизми даирисидә көздә тутулғандәк, очуқ вә иҗабий сөһбәт арқилиқ икки тәрәплик һәмкарлиқни тәрәққий қилдурушни мәқсәт қилиду» дейилди.

икки министирниң учришишида, һәмкарлиқни күчәйтиш вә мудапиә мәсилилири, террорлуққа қарши күрәш, енергийә вә йемәклик бихәтәрлики, килимат өзгиришигә қарши туруш қатарлиқ җәһәтләрдә һәмкарлиқни күчәйтиш вә сода алақисини күчәйтишниң усуллири, шундақла конкрет қәдәмлириниң музакирә қилинғанлиқи қәйт қилинди.

байанатта йәнә мундақ дейилди:

«министирлар русийәниң қобул қилғили болмайдиған урушиға қарши украинаниң игилик һоқуқи вә земин пүтүнлүкини күчлүк қоллайдиғанлиқлирини қайта тәкитлиди. бу даиридә, түркийә билән америка урушни ахирлаштуруш чарисиниң тепилишини күчлүк қоллайду.»



مۇناسىۋەتلىك خەۋەرلەر