erdoghan: térrorchilarni qollighan döletlerning natogha kirishige «maqul» déyelmeymiz

türkiye awazi radiyosi xewiri: erdoghan: «shimaliy atlantik ehdi teshkilatining kéngiyishi, bizge nisbeten sezgürlüklirimizge hörmet qilish ölchimimiz boyiche ehmiyetliktur» dédi

jumhur reis shundaqla adalet we tereqqiyat partiyesining reisi rejep tayyip erdoghan partiyesining türkiye büyük millet mejlisi (parlaménti) diki guruppa yighinida nutuq sözlidi.

shimaliy atlantik ehdi teshkilatidiki ittipaqdashlarning türkiyening sezgürlükini chüshinishini we qollishini ümid qilidighanliqini tekitlep, «türkiyening öz chégralirini qoghdash tirishchanliqini chüshinishini ümid qilimiz. siler (finlandiye we shiwitsiye) bizge térorchilarni tapshurup bermeysiler, arqidin bizdin shimaliy atlantik ehdi teshkilatigha kirishinglarni qollishimizni ümid qilisiler. bölgünchi térrorluq teshkilati p k k ni qollap- quwwetligen turughluq,  natogha eza bolush üchün qollashni telep qilish meydansizliqtur. bizge térrorchilarni tapshurup bermigen döletlerning shimaliy atlantik ehdi teshkilatigha eza bolushigha maqul démeymiz. shimaliy atlantik ehdi teshkilatining kéngiyishi, bizge nisbeten sezgürlüklirimizge hörmet qilish ölchimimiz asasida ehmiyetliktur» dédi.

erdoghan yene mundaq dédi:

«(shwétsiye we finlandiye shimaliy atlantik ehdi teshkilatigha eza bolushigha alaqidar söhbet ötküzüsh üchün) düshenbe küni (türkiyege) kelmekchi iken. men békar aware bolmisun, dédim. térorluq teshkilatliri hazirmu shiwitsiyede yorghilap yüriydu. biz héchkimning zéminigha köz tikmiduq. bixeterlikimizge tehdit salidighan heriketlerni menbeside yoqutushta qetiy iradige igimiz. shimaliy atlantik ehdi teshkilatidiki shériklirimiz türkiyeni hujum nishani qilghan térorluq teshkilatlirigha qoral-yaragh we oq-dora ewetmidimu? ular térorluq teshkilatlirini kücheytish üchün yüz milyonlarche yawro bermekte»