chawushoghlu: urushning dawamlishishini xalaydighan döletler bar

türkiye awazi radiyosi xewiri: amérikaning niyu york shehiride ziyaretlerde boluwatqan türkiye tashqi ishlar ministiri mewlüt chawushoghlu türk öyide, türk-amérikan jemiyitining ezaliri bilen körüshti.

u wuxen wirusi (Kovid-19) wabasi axirlashqan bir waqitta, ukraina urushining bashlanghanliqini we rayondiki mesililerning hazirghiche dawamlishiwatqanliqini bildürdi.

u mundaq dédi:

«bundaq waqitta rehberlik qabiliyiti we éhtiyatchan bolush altun qimmetke ige. bu nuqta ukraina urushida nahayiti éniq körüldi. bu qiyin künlerde, jumhur reisimiz rejep tayyip erdoghanning rehberlikide aktip we pirinsipchan tashqi siyasitimiz bilen yolimizni dawamlashturuwatimiz. bu basquchta ijra qiliwatqan siyasitimizni hemme körüp maxtawatidu» dédi.

u urushning dawamlishishini xalaydighan döletlerning barliqini bildürüp, buning bedilini ukraina bilen rusiye xelqining tölewatqanliqini qeyt qildi.

u ikki dölet otturisida urushning baldurraq toxtishi kéreklikini tekitlep, puqralarni tarqaqlashturush mesiliside, türkiyening b d t bash katipi antoniyo gutérrs bilen birlikte tirishchanliq körsitiwatqanliqini qeyt qildi.