алтун: әрдоғанниң башламчи дипломатийәси сайисида түркийә күнсери қудрәт тепиватиду

җумһур рәислик мәһкимиси учур - алақә ишлири идарисиниң башлиқи фаһрәттин алтун җумһур рәис рәҗәп таййип әрдоғанниң башламчи дипломатийәси сайисида түркийә вә һәрқайси органлириниң күнсери қудрәт тепиватқанлиқини ейтти.

1828133
алтун: әрдоғанниң башламчи дипломатийәси сайисида түркийә күнсери қудрәт тепиватиду

түркийә авази радийоси хәвири: алтун, аммиви ортақлишиш тор бетидики сәһиписидә елан қилған байанатида, пайтәхт әнқәрәдә, җумһур рәис рәҗәп таййип әрдоған билән алҗирийә пирезиденти абдулмәҗид тәббунниң һузурида,  түркийә – алҗирийә оттурисидики мунасивәтләрни йәниму йүксәк сәвийәгә йәткүзүштә муһим рол ойнайдиған канчилиқ, муһит асраш, маарип, мәдәнийәт вә мудапиә санаити қатарлиқ саһәләрдә нурғун келишимләрниң имзаланғанлиқини, бу келишимләрдин бириниң ахбарат васитилири вә учур - алақә билән мунасивәтлик икәнликини әскәртти, һәмдә бу келишимләрниң һәр икки дөләт үчүн хәйрлик болушиға тиләкдашлиқ билдүрүп мундақ деди: «пүтүн дунйа кризискә дуч келиватқан бир пәйттә, дөлитимиз башқа дөләтләр билән имзалиған бу келишимләр җумһур рәисмиз рәҗәп таййип әрдоғанниң мувәппәқийәтлик рәһбәрлики сайисида ишқа ашмақта. дәрвәқә, җумһур рәисмиз рәҗәп таййип әрдоған давамлаштуруватқан  башламчи дипломатийә сийасити, инсанпәрвәрликни чиқиш нуқта қилидиған пиринсиплиқ дипломатийә сийасити болуп, буниң сайисида һәрқайси дөләтләр билән болған икки тәрәп мунасивәтлири турғузған ишәнч нәтиҗисидә имзаланған бу келишимләр арқилиқ һәм дөлитимиз һәмдә һәрқайси органлиримиз күнсери қудрәт тепиватиду, бу болса әзиз хәлқимизгә қошулған қиммәт сүпитидә әкс етиватиду.»



مۇناسىۋەتلىك خەۋەرلەر