erdoghan: digital fashizm milyardlarche insan üchün tehditke aylandi

jumhur reis rejep tayyip erdoghan digital fashizmning bügünki künde milyardlarche insanlarning toghra we terepsiz xewerlerge érishish hoquqigha tosqunluq qilidighan tehditke aylanghanliqini éytti.

1826901
erdoghan: digital fashizm milyardlarche insan üchün tehditke aylandi

türkiye awazi radiyosi xewiri: jumhur reis erdoghan, istanbulda ötküzülgen 4 – nöwetlik türk döletliri teshkilati axbarat wasitiliri we uchur ishlirigha mesul ministirlar we yuqiri derijilik rehberler  yighinigha sinliq télégramma yollidi.

jumhur reis erdoghan, télégrammida, türk dunyasi bolush süpiti bilen, bultur türk döletliri teshkilatining qurulushi bilen birlikte döletler ara hemkarliqni yenimu yüksek sewiyege yetküzgenliklirini tekitlep mundaq dédi: «bu arqiliq siyasettin maaripqiche, iqtisadtin bixeterlik hemkarliqighiche bolghan nurghun sahede yéngi dewrning asasini shekillendürduq.»

u, axbarat wasitiliri we  uchur - alaqe mesililirining, ammiwi taratqular arqiliq tetür teshwiqat élip bérishqa qarshi küresh, siyasiy we ammiwi hayatning mewjudiyitige kapaletlik qilish jehettin intayin muhimliqini eskertip mundaq dédi: «qarabagh urushi jeryanida biz shahit bolghan yalghanchiliq we töhmetler, bizge hem bu mesilining muhimliqini, hemde bizning küchlirimizni birleshtürüshimizning qanchilik muhimliqini körsitip berdi. buningdin körüwélishqa boliduki, bu urush peqet sahedila élip bérilmidi, belki yazma we körünüshlük taratqulardin tartip ammiwi taratqularghiche bolghan nurghun sahelerde uda 44 kün keskin küresh élip bérildi. biz bashtin kechürgen achchiq sawaqlarning yoruqida, hemmimiz bu heqiqetni nahayiti éniq körüwatimiz: démokratiyediki <tötinchi küch> dep teswirlinidighan axbarat wasitiliri, melum küchlerning, melum yershariwi shirketlirining we yaman gherezlik jemiyetlerning qolida, heqiqetni burmilaydighan, heqiqetni yoshurup, tetür teshwiqat élip baridighan kontrol qilish qoraligha aylinip qéliwatidu. digital fashizm bügünki künde milyardlarche kishiler üchün toghra we terepsiz xewerlerge érishish hoquqigha tosqunluq qilidighan tehditke aylinip qaldi.»

yalghanchiliq, töhmet qilish we burmilash qilmishliri hemme yaqni qaplap ketken bu taratqularda heqiqetni izdesh we heqiqetni qoghdighuchi bolushning téximu muhim ehmiyetke ige ikenlikini qeyt qilghan erdoghan,  shu wejidin,  uchur - alaqe mesilisigimu, kem dégende dölet mudapiesi, bixeterlik we sehiyege oxshashla istiratégiyelik ehmiyetke ige bir mesile, dep qaraydighanliqlirini éytti.



مۇناسىۋەتلىك خەۋەرلەر