фаһрәттин алтун журналист ақиләниң етип өлтүрүлгәнликини әйиблиди
җумһур рәислик учур – алақә идариси башлиқи фаһрәттин алтун әлҗәзирә телевизийә қанилиниң мухбири ширин әбу ақиләниң өлтүрүлүш вәқәсини әтраплиқ, очуқ-ашкарә вә тездин тәкшүрүп, җавабкарниң сотқа тартилиши керәклики һәққидә чақириқ елан қилди
1825705
түркийә авази радийоси хәвири: җумһур рәислик учур – алақә идариси башлиқи фаһрәттин алтун пәләстинлик журналист ақиләниң ишғалийәт астидики ғәрбий қирғаққа җайлашқан җәнин памаһланғучилар лагериға исраилийә әскәрлири тәрпоидин қилинған һуҗумни тәқип қиливатқан пәйттә, исраилийә әскәрлириниң етип өлтүргәнликини әйиблиди.
ақиләниң өлтүрүлгәнликидин чоңқур азабланғанлиқини билдүргән фаһрәттин алтун, униң аилисидикиләргә вә хизмәтдашлириға тәзийә теләклирини йоллиғанлиқини билдүрүп, «хәлққә вә һәқиқәткә хизмәт қилидиған журналистларниң һуҗум нишани қилиниши һәр қандақ әһвалда қобул қилинмайду. мән бу вәқәниң әтраплиқ, ашкара вә тезрәк тәкшүрүлиши һәмдә җавабкарларниң сотқа тартилиши керәклики һәққидә һәммәйләнгә чақириқта болимән» деди.
