chawushoghlu: uzaq mezgillik muqimliq üchün rayon döletlirining munasiwetlirini kücheytishi shert
tashqi ishlar ministiri mewlüt chawushoghlu rayon döletlirining bolupmu bir – birining zémin pütünlüki we igilik hoquqigha hörmet qilish asasida munasiwetlirini kücheytishning uzaq mezgillik muqimliq üchün shert ikenlikini éytti.
türkiye awazi radiyosi xewiri: chawushoghlu, 76 dölet we xelqaraliq teshkilatlarning ishtirak qilishida térrorluq teshkilati daéshgha qarshi ittipaqdash döletler ministirliri yighini dairiside ziyarette boluwatqan marakeshning marakesh shehiride, marakesh tashqi ishlar ministiri nasir burita bilen qoshma axbarat élan qilish yighini ötküzdi, hemde bu yerde qilghan sözide, yighinning chaqirilish waqtining nahayiti zor ehmiyetke ige ikenlikini, süriye, iraq, afghanistan, afriqa, sahél rayonida térrorluq teshkilati daéshning hujumlirining barghanséri köpiyip ketkenlikini eskertish bilen bir waqitta, sahél rayonidin sirt yene, shimaliy afriqaning tinchliq, muqimliq we parawanliq üchün, aqdéngiz, afriqa, ottura sherq, hetta yawropaning muqimliqi üchün waz kéchelmes ikenlikini tekitlep mundaq dédi: «rayon döletlirining bolupmu bir – birining zémin pütünlüki wa igilik hoquqigha hörmet qilish asasida munasiwetlirini kücheytishi, uzaq mezgillik muqimliq üchün shert.»
ministir chawushoghlu, türkiyening herdaim bashqa döletlerning zémin pütünlüki, chégra pütünlüki mesiliside pirinsipliq pozitsiye tutup kéliwatqanliqini eskertip mundaq dédi: «bu dairide, qérindash dölet marakeshningmu zémin pütünlüki, chégra pütünlüki we igilik hoquqini qollap kéliwatqanliqimizni herdaimqigha oxshash bu qétimmu yene bir qétim tekitleymen.»
