чавушоғлу: узақ мәзгиллик муқимлиқ үчүн район дөләтлириниң мунасивәтлирини күчәйтиши шәрт

ташқи ишлар министири мәвлүт чавушоғлу район дөләтлириниң болупму бир – бириниң земин пүтүнлүки вә игилик һоқуқиға һөрмәт қилиш асасида мунасивәтлирини күчәйтишниң узақ мәзгиллик муқимлиқ үчүн шәрт икәнликини ейтти.

1825799
чавушоғлу: узақ мәзгиллик муқимлиқ үчүн район дөләтлириниң мунасивәтлирини күчәйтиши шәрт

түркийә авази радийоси хәвири: чавушоғлу, 76 дөләт вә хәлқаралиқ тәшкилатларниң иштирак қилишида террорлуқ тәшкилати даешға қарши иттипақдаш дөләтләр министирлири йиғини даирисидә зийарәттә болуватқан маракәшниң маракәш шәһиридә, маракәш ташқи ишлар министири насир бурита билән қошма ахбарат елан қилиш йиғини өткүзди, һәмдә бу йәрдә қилған сөзидә, йиғинниң чақирилиш вақтиниң наһайити зор әһмийәткә игә икәнликини, сүрийә, ирақ, афғанистан, африқа, саһел районида террорлуқ тәшкилати даешниң һуҗумлириниң барғансери көпийип кәткәнликини әскәртиш билән бир вақитта, саһел районидин сирт йәнә, шималий африқаниң тинчлиқ, муқимлиқ вә параванлиқ үчүн, ақдеңиз, африқа, оттура шәрқ, һәтта йавропаниң муқимлиқи үчүн ваз кечәлмәс икәнликини тәкитләп мундақ деди: «район дөләтлириниң болупму бир – бириниң земин пүтүнлүки ва игилик һоқуқиға һөрмәт қилиш асасида мунасивәтлирини күчәйтиши, узақ мәзгиллик муқимлиқ үчүн шәрт.»

министир чавушоғлу, түркийәниң һәрдаим башқа дөләтләрниң земин пүтүнлүки, чегра пүтүнлүки мәсилисидә пиринсиплиқ позитсийә тутуп келиватқанлиқини әскәртип мундақ деди: «бу даиридә, қериндаш дөләт маракәшниңму земин пүтүнлүки, чегра пүтүнлүки вә игилик һоқуқини қоллап келиватқанлиқимизни һәрдаимқиға охшаш бу қетимму йәнә бир қетим тәкитләймән.»



مۇناسىۋەتلىك خەۋەرلەر