istanbul ayrodurumidin uchuwatqan shirketlerning sani 84 ke yetti
bérnik hawa yolliri shirkiti «kowid – 19» yuqumidin kéyin rékortni buzup tashlighan istanbul ayrodurumi bilen liwiyening binghazi shehiri otturisida ayropilan seperlirini ishqa kirishtürdi.
türkiye awazi radiyosi xewiri: bérnik hawa yolliri shirkiti, 8 – may küni 1320 uchushta texminen 215 ming yoluchini kütüwélip, «kowid – 19» yuqumidin kéyin rékortni buzup tashlighan istanbul ayrodurumi bilen liwiyening binghazi shehiri otturisida ayropilan seperlirini ishqa kirishtürdi.
xelqara ayrodurumlar kéngishi teripidin élan qilinghan sanliq melumatlargha qarighanda, «xelqara yoluchilar sani» katégoriyeside ötken yili 26 milyon 500 ming yoluchini kütüwélip, dunyadiki ikkinchi eng awat ayrodurum bolghan istanbul ayrodurumi, yéngi awiyatsiye shirketlirini kütüwélishni dawamlashturmaqta.
merkizi liwiyening binghazi shehirige jaylashqan bérnik hawa yolliri shirkiti, istanbul ayrodurumigha ayropilan seperlirini ishqa kirishtürdi. bu shirket, binghazi bilen istanbul otturisida heptide 2 kün her ikki terepke uchidu.
tunji nöwetchi ayropilan bilen istanbul ayrodurumigha kelgen yoluchilar we ayropilan xadimliri, ayropilanning ishiki aldida güller bilen qarshi élindi.
«rozi héyt» munasiwiti bilen qoshumche ayropilan seperliri arqiliq 8-may yekshenbe künidiki 1320 nöwetchi ayropilanda 215 minggha yéqin yoluchigha sahibxaniliq qilghan we bu arqiliq «kowid – 19» yuqumidin kéyin rékortni buzup tashlighan istanbul ayrodurumidin uchuwatqan hawa yolliri shirketlirining sani, 51 yük ayropilani we bérnik hawa yolliri shirkiti bilen qoshulup 84 ke yetti.
