әрдоған анилар байрими мунасивити билән учур елан қилди
җумһур рәис рәҗәп таййип әрдоған анилар байрими мунасивити билән учур елан қилди.
түркийә авази радийоси хәвири: җумһур рәис әрдоған учурида, «сөйгү, әмгәк, пидакарлиқ вә рәһимдиллиқ қатарлиқ есил хисләтләрниң символи болған анилиримизниң, анилар байримини тәбрикләймән» дегән сөзләрни ишләтти.
әрдоған, «<җәннәт аниларниң айиғи астида> дәп, аниларни қәдирләйдиған бир мәдәнийәтниң әзаси болуш сүпитимиз билән анилиримиз бизгә нисбәтән әң шәпқәтлик панаһҗайдур» деди.
җумһур рәис әрдоған учрида йәнә мундақ деди:
«анилиримизниң хәйрилик дуалириниң бизниң күндилик турмуш күришимиздики әң муһим күч мәнбәйимиз икәнликини унтумаслиқимиз лазим. уларни тегишлик һөрмәт вә муһәббәттин мәһрум қилмаслиқимиз керәк. бешимизниң таҗи болған анилиримиздин теләйдиғинимиз؛ әвлатлириға, вәтинимиз вә миллитимизгә қаратқан хәйрилик дуалирини вә әмгәклирини кәм қилмаслиқидур. һәр даим һөрмәтләрниң әң каттисиға һәқлиқ болған, өмүрлирини аилилиригә вәқип қилған, анилиримизниң анилар байримини тәбрикләймән шундақла ахирәткә көчкән барлиқ анилиримизни аллаһтин рәһмәт теләш вә чоңқур миннәтдарлиқ билән әсләймән».
