aqar: iraqning shimalida nurghun térrorchi bir terep qilindi
dölet mudapie ministiri xulusi aqar iraqning shimalida bölgünchi térrorluq teshkilati p k k gha qarshi élip bériliwatqan «penje – qulup» herbiy herikiti dawamida 73 térrorchining bir terep qilinghanliqini éytti.
türkiye awazi radiyosi xewiri: aqar, hemrahliqidiki bash ishtab bashliqi général yashar güler, déngiz armiyesi qomandani admiral adnan özbal bilen birlikte mersindiki aqdéngiz rayonluq qomandanliq ishtabigha bardi, andin bu yerde ötküzülgen murasimda qilghan sözide, türkiye armiyesining térrorizmgha qarshi kürishi dairiside 18 – aprél küni bashlanghan «penje – qulup» herbiy herikitining muweppeqiyetlik halda keskin dawamlishiwatqanliqini tekitlep mundaq dédi: «bu herbiy heriket dawamida, hazirghiche 73 térrorchi bir terep qilindi, térrorchilargha ait 102 ghar, panah jay, 524 partlatquch pachaqlap tashlandi. bu esnada 10 qehriman sepdishimiz shéhit boldi. shuni alahide tekitlep ötimenki, eziz xelqimizni uda 40 yildin buyan duch kéliwatqan bu térrorizm balasidin xalas tapquzush iradimiz qetiydur. térrorizmgha qarshi kürishimiz, eng axirqi térrorchi bir terep qilinghangha qeder üzlüksiz dawamlishidu.»
