türkiye kubagha teziye bildürdi
türkiye kubaning paytexti hawanada tünügün bir méhmansarayda meydangha kelgen partlashta hayatidin ayrilghanlar üchün teziye bayanati élan qildi.
türkiye awazi radiyosi xewiri: türkiye tashqi ishlar ministirliqi teripidin élan qilinghan yazma bayanatta, enqerening, kubaning paytexti hawanada tünügün bir méhmansarayda partlash yüz bergenliki we partlashta köp sanda kishining qaza qilghanliqidin tolimu epsuslanghan halda xewer tapqanliqi eskertilip mundaq déyildi: «partlashta hayatidin ayrilghanlarning yéqin – yoruqlirigha, dost kuba xelqi we hökümitige chin dilimizdin teziye bildürimiz, yarilanghanlargha shipaliq tileymiz.»
kubaning paytexti hawanada tünügün bir méhmansarayda meydangha kelgen partlashta 22 kishi qaza qilghan, 14 balini öz ichige alghan 70 kishi yarilanghanidi.
kuba taratqulirining xewer qilishiche, «kowid – 19» yuqumi sewebidin, uda 2 yildin köprek waqittin buyan taqaq halette turuwatqan we 10 – may küni échilishi kütülüwatqan tarixiy méhmansarayda, yéqindin buyan dawamlishiwatqan rémont qilish xizmetliri dairiside turubilargha gaz bériliwatqanda partlash yüz bergen.