mardinda «6-eren qorshaw» herikiti bashlandi
shirnaktiki «5-eren qorshaw» herbiy herikiti ramkisida, bölgünchi térrorluq teshkilatining üch ezasi bir terep qilindi.
türkiye awazi radiyosi xewiri: ichki ishlar ministiri süleyman soylu twitéttrda bayanat élan qilip, shirnak bestler dereler rayonida uchquchisiz hawa apparatining yardimide qilinghan herikette, üch térroristning bir terep qilinghanliqini bildürdi.
u térroristlargha chaqiriq qilip: «tügeshtinglar, teslim bolunglar» dédi.
yene bir tereptin, ichki ishlar ministirliqi mardinda «6-eren qorshaw» herikitining bashlanghanliqini élan qildi.
bayanatta, bölgünchi térrorluq teshkilatini dölet küntertipidin chiqirish, rayonda uwa tutqan térroristlarni bir terep qilish meqsitide bashlanghan «6-eren qorshaw» herikitide, 569 xadimning wezipe ötigenliki qeyt qilindi.
bayanatta, memliket ichide térrorluqni pütünley yoqitish üchün bashlanghan qorshaw heriketlirining, xelqning qollishi astida yuqiri ishench we qetiy irade bilen dawamlishiwatqanliqi bildürüldi.
iraqning shimalida 18-aprél (2022) bashlanghan «penje kilit» heriketliride bügüngiche 56 térrorist bir terep qilindi.
türkiye dölet mudapie ministiri hulusi akar tünügün (24-aprél) ishtab bashliqi yashar güler we bashqa qomandanlar bilen birlikte chégra nuqtisigha orunlashqan 3-diwiziye qomandanliq merkizini ziyaret qildi.
u merkezde, herbiy heriketlerge qatnashqan qisimlarning qomandanliri bilen sinliq körüshti.
u: «penje kilit herikitide bügüngiche 56 térrist bir terep qilindi. herikitimiz muweppeqiyetlik halda dawamlishiwatidu» dédi.
