«türkiyening muhim dölet ikenlikini hemme tonup yetti»
tashqi ishlar ministiri mewlüt chawushoghlu ukraina kirizisi bilen birlikte türkiyening muhim dölet ikenlikini hemme ellerning tonup yetkenlikini éytti.
türkiye awazi radiyosi xewiri: chawushoghlu, xususiy bir téléwiziye qanilida, dunyadiki özgirishler heqqide élan qilghan bayanatida, yawropa we amérika qoshma ishtatliri bilen bolghan munasiwetlerning ijabiy yönilishte tereqqiy qilishigha egiship, tamozhna ittipaqi, wizisiz sayahet we polat – tömür mehsulatliridin bajni emeldin qaldurush qatarliq mesililerde konkért qedem-basquchlarning körülüp körülmigenlikige alaqidar soalgha, bu heqte ijabiy isharetlerning barliqini, emma konkrét qedemlerning tashlinishi lazimliqini tekitlep mundaq dédi: «ukraina kirizisi bilen birlikte türkiyening muhim dölet ikenlikini hemme eller tonup yetti. emma bu waqitliq pozitsiye bolmasliqi kérek. bizning muhimliqimiz tünügünmu ayan idi, ete – ögünmu téximu zoriyidu.»
ministir chawushoghlu, amérika qoshma ishtatlirining türkiyege qaratqan «reqiblirige émbargolar arqiliq jawab qayurush qanuni (CAATSA)» ni bikar qilip qilmaydighanliqi toghruluq isharetlerning bar – yoqluqigha dair soalgha, mundaq xawab berdi:
«nöwette biz amérika terepning bu mesilige téximu ijabiy pozitsiye tutuwtqanliqini körüwatimiz, bu kiriziske hel qilish charisi tépishqa tirishiwatimiz. amérika qoshma ishtatliri pirézidénti jo baydin bilen jumhur reisimiz rejep tayyip erdoghanning (öktebirde italiyede ötküzülidighan 20 dölet guruhi bashliqlar yighini dairisidiki) uchrishishida, baydinning teklipige binaen istiratégiyelik méxanizm ornitildi. muawin ministirlar sewiyeside paytext enqere bir yerge jem bolduq. 18-may washingtonda ministirlar sewiyeside uchrishimiz.»
chawushoghlu, «400 - s» bashqurulidighan bomba mudapie sistémisi we «F 35» tipliq urush ayropilanliri kirizisini herqandaq shekilde hel qilish pilanining bar – yoqluqigha dair soalgha jawab bérip mundaq dédi: «bu pozitsiye dawamlashqan teqdirde, hazir hel bolmighan teqdirdimu, bu kirizisning aldimizdiki basquchta hel bolidighanliqigha ishinimen.»
