aqar: ukrainada urush toxtitilishi intayin muhim

türkiye awazi radiyosi xewiri: aqar, qeyseride bir paaliyette qilghan sözide, rusiye 24 – féwral küni urush élan qilghan ukrainadiki özgirishlerni yéqindin közitiwatqanliqlirini tekitlep mundaq dédi: «ukrainaning igilik hoquqi, musteqilliqi we zémin pütünlükige hörmet qilidighanliqimizni her daim tekitlep kéliwatimiz. téximu köp ölüp hadilisirining yüz bermesliki, derhal tinchliq we muqimliq ornitilishi üchün urush toxtitishni ishqa ashurush intayin muhim. shuni alahide tekitlep ötimenki, ukrainadiki türkler bilen birlikte bashqa puqralarning rayondin bixeter halda tarqaqlashturulushi üchün her türlük yardemde bolidighanliqimizni bashtin tartipla bildürüp kéliwatimiz. paraxotlirimizning mezkur rayongha insanperwerlik yardem buyumlirini alghach bérishimu aldin pilanlanghandur. buningdin bashqa yene, ukrainadiki <A400M> tipliq ayropilanlirimiz bilen soda paraxotlirimizningmu türkiyedin derhal bixeter halda yolgha chiqishi üchün alaqidar tarmaqlar bilen mas qedemde heriket qiliwatimiz. bu paaliyetlerge munasiwetlik rusiye hem ukraina dölet mudapie ministirliri we qarargahliri bilen her sewiyede alaqe ornitiwatimiz.»