chawushoghlu küntertiptiki mesililer toghrisida toxtaldi

türkiye awazi radiyosi xewiri: ministir mewlüt chawushoghlu bir xususiy téléwiziyening mexsus söhbet pirogrammisigha qatniship küntertiptiki mesililerge dair soallargha jawab berdi.

ukrainaning bucha we arpin rayonidiki insan qélipidin chiqqan körünüshlerning ukraina - rusiye otturisidiki söhbetning ijabiy keypiyatigha tesir körsetkenlikini bildürgen chawushoghlu: «barliq qiyinchiliqlargha qarimay, (ukraina prézidénti wiladimir) zélénskiyning <söhbetlerni dawamlashturimiz> déyishi, arqidin rusiye terepningmu mushuninggha oxshash bayanatlarni bérishi, söhbetke bolghan ümidimizni ashurdi» dédi.

barliq qiyinchiliqlargha qarimay, rusiye bilen ukraina otturisidiki urushni toxtitish pursitining barliqigha isharet qilghan chawushoghlu: «emma (urush toxtitish) bolidighan bolsa, bu künlerde bolushi kérek. bolupmu bu urush uzirap ketse, donbasqa yéngi hujumlar qilinsa, u chaghda urush toxtitishni ishqa ashurush téximu qiyinlishidu» dédi.

chawushoghlu sherqiy aqdéngizdiki énérgiye menbeliri toghrisida toxtilip: «sherqiy aqdéngizda türkiyeni chetke qaqqan qutuplishishlar boldi. emma, biz bularning héchqaysisining emeliy nuqtida héchandaq menisining yoqluqini körduq» dédi.

u, sherqiy aqdéngiz tebiiy gaz turuba yoli türining hayatiy küchke ige tür emeslikini bayan qilip: «biz israiliyeningmu mol zapisi barliqini körüwatimiz. bolupmu yawropa bazirigha yétishning eng muwapiq yoli türkiye» dégenlerni qeyt qildi.

chawushoghlu, misir bilen bolghan munasiwetning normallishishi mesilisini tilgha élip, bu dölet bilen bolghan munasiwetning yaxshilinishining rayongha ijabiy tesir körsitidighanliqini éytti.

u yene, seudi erebistan bilen bolghan munasiwetni normallashturush yolidimu qedemlerning tashliniwatqanliqini eskertti.

ministir chawushoghlu, türkiye - erméniye otturisidimu ishench turghuzush qedemlirining tashlanghanliqini, ikki dölet alahide wekillirining üchinchi qétimliq uchrishishini awstriyening paytexti wiyénnada ötküzidighanliqini sözlirige ilawe qildi.