erdoghan: türkiye dunya boyiche 10 – chong dölettin birige aylandi

türkiye awazi radiyosi xewiri: jumhur reis erdoghan, istanbuldiki milliy saraylar islam medeniyetliri  muzéyining échilish murasimida qilghan sözide, «kowid – 19» yuqumi sewebidin uda 2 yildin buyan toxtap qalghan yermenkining qayta bashlanghanliqidin intayin xursen ikenlikini tekitlep mundaq dédi: «xudayim buyrisa, chong chamlija jamemizning astida  muzéyimizni achimiz, bu  muzéyda her yili bir qétim, bezide 2 qétim qol ilkimizdiki barliq eserler körgezme qilinidu, millitimizning xizmitide bolidu. dölitimizning yéqinqi 20 yil ichidiki démokratiye we tereqqiyat jehettiki eng paydiliq netijiliridin biri , millitimizning bashqa saheler bilen bille oqush we yézish saheliridimu yol tépishidur. bügünki künde,  türkiye  kitab neshr qilish we sahening kölimi jehette xelqara neshriyatchilar jemiyitide aldinqi qatardiki 10 chong dölettin birige aylandi. aldinqi qatardiki tetqiqat shirketlirimiz élip barghan tetqiqatlar shuni ispatlidiki, kitab oqush nisbiti yéqinqi 14 yilda 2 hessidin köprek ashti. bu éshishning köpinche yashlirimiz arisida bolushi, kelgüsimiz namidin bizge ümid béghishlimaqta.»