türkiye riwanda qirghinchiliqining xatire küni munasiwiti bilen télégramma tarqatti
türkiye riwandada 1 milyon tutsining ölümini keltürüp chiqarghan irqiy qirghinchiliq toghrisida teziye télégrammisi tarqatti.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip: «1994 - yili riwanda jumhuriyitide 1 milyondin artuq insan sistémiliq halda rehimsizlerche qetl qilinghan insaniyetning yéqinqi dewr tarixining eng éghir zulumlirining biri hésablinidighan tutsilargha qarshi irqiy qirghinchiliqni yene bir qétim chongqur échinish ichide esleymiz» dégenlerni qeyt qildi.
türkiyening insaniyetke qarshi her xil jinayetlerning qayta yüz bérishining aldini élish üchün küresh qilidighanliqi eskertilgen bayanatta: «dost riwanda döliti we xelqining azabini chin könglimizdin ortaqlishimiz we ulardin hal soraymiz. türkiye her xil insaniyetke qarshi jinayet, irqchiliq, chet elliklerge öchmenlik qilish we ashqun idiyelerge qarshi turidu we shuninggha oxshash azabliq weqelerning qayta yüz bermesliki üchün qetiy irade bilen küresh qilishni dawamlashturidu» dégen ibarilerge orun bérildi.