erdoghan silowéniye we yaponiye rehberliri bilen körüshti

türkiye awazi radiyosi xewiri: jumhur reislik uchur-alaqe idarisi silowéniye pirézidénti borut paxor we yaponiye bash weziri kishida fumiyo bilen téléfonda körüshkenliki toghrisida bayanat élan qildi.

jumhur reislik uchur-alaqe idarisining bayanatida bildürülishiche, erdoghan-borut paxor körüshüshide, türkiye-silowéniye munasiwetliri ukraina-rusiye urushining nöwettiki weziyiti we rayonluq mesililer muzakire qilinghan.

rejep tayyip erdoghan körüshüshte, silowéniye bilen istratégiyelik shériklik we özara hemkarliqlarni kücheytishke ehmiyet ehmiyet béridighanliqlirini bildürgen.

u énérgiye bayliqini köp xillashturush we bixeter yollar arqiliq toshushning zörürlükining yene bir qétim ispatlanghanliqini eskertip, kaspiy oymanliqi we sherqiy aqdéngizdiki bayliqlarning türkiye arqiliq yawropagha toshulushining istratégiyelik alahidilikke ige ikenlikini qeyt qildi.

u yene, ukrainadiki urushning axirlishishi üchün körsitiliwatqan tirishchanliqlarni dawamlashturidighanliqlirini eskertti.

u yaponiye bash weziri kishida fumiyo bilen körüshkende, türkiye-yaponiye munasiwetlirini tereqqiy qilduridighan qedemler we ukraina-rusiye urushini asas qilghan halda rayonluq mesililerni muzakire qilghan.

u türkiye-yaponiye iqtisadiy shériklik kélishimini baldurraq ijra qilishning paydiliq bolidighanliqini bildürüp, énérgiye, yémek-ichmek, yéza igiliki, yuqiri téxnologiyeler, mudapie we alem sanaiti saheliride özara hemkarliqlarning yoshurun küchini heriketke ötküzüshni arzu qilidighanliqlirini eskertken.

u 24-féwraldin (2022) tartip dawamlishiwatqan ukraina-rusiye urushining nöwettiki weziyiti üstide toxtilip, urush toxtitishni emelge ashurush we insaniy karidorlarning échilishi üchün körsitiliwatqan tirishchanliqlarni izchil dawamlashturidighanliqlirini qeyt qilghan.