türkiye - amérika istratégiyelik méxanizmi ijra qilinishqa bashlandi

türkiye - amérika istratégiyelik méxanizmining paytext enqerede heriketke keltürülgenliki uqturuldi.

1807156
türkiye - amérika istratégiyelik méxanizmi ijra qilinishqa bashlandi

türkiye awazi radiyosi xewiri: türkiye jumhuriyiti tashqi ishlar ministirliqi teripidin élan qilinghan türkiye - amérika istratégiyelik méxanizmi toghrisidiki birleshme axbarat bayanatida, «hörmetlik jumhur reis rejep tayyip erdoghan bilen amérika pirézidénti jo baydinning öktebirde rimda (italiyening paytexti) hasil qilghan kélishimige asasen, türkiye – amérika istratégiyelik méxanizmi 2022- yili 4- aprél enqerede heriketke keltürüldi» dégen ibarilerge orun bérildi.

tashqi ishlar ministirliqining muawin ministiri, bash elchi sedat önalning amérika tashqi ishlar ministirliqining siyasiy ishlargha mesul muawin ministiri witoria nuland bilen tünügün paytext enqerede ötküzgen heyetler ara uchrishishida, iqtisadiy we mudapie hemkarliqi, térrorizmgha qarshi küresh, ikki döletning rayon we dunyawi menpeetlirige munasiwetlik mesililerning közdin kechürülgenliki eskertilgen bayanatta: «türkiye bilen amérika qoshma ishtatliri ukrainaning igilik hoquqi we zémin pütünlükini qoghdashtiki ortaq wedisini qayta tekitlidi. amérika türkiyening urushni adil we diplomatik yol bilen hel qilish tirishchanliqini qarshi aldi» déyildi.

amérika soda ministirliqining muawin ministiri marisa lagoningmu 5- 6- aprél künliri paytext enqerede ziyarette bolup, istratégiyelik méxanizmning iqtisadiy we soda sahesini ilgiri sürüshke munasiwetlik mesililer toghrisida sözlishidighanliqi bildürülgen bayanatta, türkiye bilen amérikaning istratégiyelik méxanizm dairiside échilidighan tashqi ishlar ministirliri derijilik yighinni bu yil échishni pilanlawatqanliqigha dair uchurlarghimu orun bérildi.

 



مۇناسىۋەتلىك خەۋەرلەر