türkiye herbiy paraxotlarning boghuzlardin ötüshini cheklidi
türkiye tashqi ishlar ministiri mewlüt chawushoghlu: «qaradéngizda qirghiqi bolghan yaki bolmighan barliq döletlerni boghuzlardin herbiy paraxot ötküzmesliki toghrisida agahlandurduq» dédi.
türkiye awazi radiyosi xewiri: türkiye tashqi ishlar ministiri mewlüt chawushoghlu axbarat élan qilish yighinida, 1936-yili imzalanghan montrö boghuzlar kélishimining ijra qiliniwatqanliqini tekrarlidi.
u: «türkiye urushqa qatnashmighan bolsa, urushqa kirgen döletlerning herbiy paraxotlirini boghuzdin ötküzmeslik hoquqi bar. herbiy paraxot bazisigha qaytsa boghuzdin ötüshi tosqunluqqa uchrimaydu. montrö kélishimining maddilirini ijra qilimiz» dédi.
u, bu ramkida qaradéngizda qirghiqi bolghan döletlerni istanbul we chanaqqele boghuzliridin herbiy paraxotlirini ötküzmeslik toghrisida agahlandurghanliqlirini tekitlep: «rusiye bilen ukrainadin hazirghiche boghuzdin ötüsh telipi kelmidi» dédi.
u ilgiri bayanatida, rusiyening ukrainagha qarshi bashlighan herbiy herikitining urushqa özgergenlikini éytqan idi.
u amérika tashqi ishlar ministiri antoni blinkén bilen téléfonda körüshüp, ukraina weziyitini muzakire qilghan idi.
