جۇمھۇر رەئىس ئەردوغان ئافرىقا زىيارىتىنى يېرىم يولدا توختىتىپ تۈركىيەگە قايتتى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان ئافرىقا زىيارىتىنىڭ ئىككىنچى بېكىتى سېنېگالدا پىرېزىدېنت ماكې شالنىڭ «سېنېگال تەنتەربىيە زالى»نىڭ ئېچىلىش مۇراسىمىغا ئىشتىراك قىلىشقا تەكلىپ قىلغان دۆلەت رەئىسلىرىنىڭ شەرىپىگە بەرگەن زىياپەتكە قاتناشقاندىن كېيىن، گىنە – بىسسائۇ زىيارىتىنى كېچىكتۈرۈپ، ھەمراھلىقىدىكى ھەيئەت بىلەن بىرلىكتە تۈركىيەگە قايتىپ كەلدى.

تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى بايانات ئېلان قىلىپ، جۇمھۇر رەئىس ئەردوغاننىڭ ئىنتېرنېت مۇھىتىدا ئۆتكۈزۈلىدىغان شىمالىي ئاتلانتىك ئەھدى تەشكىلاتى — ناتو رەھبەرلەر يىغىنىغا ئىشتىراك قىلىش ئۈچۈن گىنە – بىىسائۇ زىيارىتىنى كېچىكتۈرگەنلىكىنى ئۇقتۇرغانىدى.

ناتو رەھبەرلەر يىغىنىنىڭ ئاساسلىق كۈنتەرتىپىنى رۇسىيەنىڭ يېقىنقى بىر قانچە كۈن ئىچىدە تاشلىغان قەدەملىرىنىڭ تەشكىل قىلىشى تەخمىن قىلىنماقتا.