erdoghan kongogha waksina jehette yardem qilinidighankliqini éytti

türkiye awazi radiyosi xewiri: jumhur reis rejep tayyip erdoghan afriqa ziyaritining birinchi békiti kongo démokratik jumhuriyitige yétip bardi.

kongo démokratik jumhuriyiti pirézidénti féliks tshiskédi (Felix Tshisekedi) jumhur reis rejep tayyip erdoghanni murasim bilen kütüwaldi.

rejep tayyip erdoghan bilen pirézidént féliks tshiskédi ayrim körüshüsh we heyetler ara körüshüshtin kéyin, axbarat élan qilish yighini ötküzdi.

rejep tayyip erdoghan: «biz türkiye-afriqa shériklik yighinida qobul qilghan xitabname we heriket pilanimiz bilen 2022-yildin 2026-yilghiche bolghan ikki tereplik munasiwetler nuqtisidin pilan-pirogrammilarni békittuq. biz bu ramka ichide, semimiylik we qérindashliq asasida afriqa döletliri bilen bolghan munasiwetlirimizni dawamliq tereqqiy qildurimiz. 100 ming dane wuxen wirusi waksinasini élip keldim. sehiye ministirliqimiz qisqa waqit ichide, 1 milyon sinowak waksinasi we 100 ming dane türkowak waksinasi ewetidu» dédi.

pirézidént féliks tshiskédi: «bügün türkiye-kongo munasiwetliride tarixiy bir kün. jumhur reis rejep tayyip erdoghanning ziyariti ikki dölet munasiwetlirini téximu yuqiri kötüridu» dédi.

rejep tayyip erdoghan afriqa ziyaritide kongo démokratik jumhuriyitidin bashqa, sénégal we gine bissaw qatarliq döletlernimu ziyaret qilidu.