jumhur reis erdoghan ereb birleshme xelipikidiki ziyariti toghrisida toxtaldi
jumhur reis rejep tayyip erdoghan ereb birleshme xelipiliki bilen hemkarlishish iradisining özara maslashqanliqidin xushal ikenlikini bildürdi.
türkiye awazi radiyosi xewiri: jumhur reis erdoghan ereb birleshme xelipilikidiki ikki künlük ziyariti toghrisida özining ijtimaiy taratqudiki adrésida uchur hembehrilidi.
«ereb birleshme xelipilikide ötküzgen uchrishishlirimizda munasiwetlerni tereqqiy qildurush we meblegh sélishni ashurush toghrisida küchlük ortaq iradini namayan qilduq we jemiy 13 türlük kélishim imzaliduq» dégen erdoghan, sözini dawamlashturup: «biz ereb birleshme xelipilikining bixeterliki we muqimliqini qollaymiz. biz pars qoltuqi rayonining bixeterlikini özimizning bixeterlikidin ayrim dep körmeymiz. biz yene yéqindin buyan hemkarliqimizda qolgha keltürülgen heriketlendürgüch küchni saqlap qélish we uni téximu algha ilgirilitish iradisining özara maslashqanliqidin xushalliq hés qilmaqtimiz. bizning ortaq menpeetlirimiz we rayonimizning kelgüsi üchün bu tirishchanliqini özara hörmet we ishench asasida dawamlashturush iradimiz qetiy» dégenlerni qeyt qildi.
jumhur reis erdoghan ziyariti esnasida tartilghan foto – süretler bilen birlikte tarqatqan mezkur uchurida yene: «ereb birleshme xelipilikidiki ziyaritimiz jeryanida küchlük qizghinliq we yéqinliq hés qilduq. manga we heyitimge qilinghan ésil sahibxanliqi üchün ebu dabi text warisi shahzadisi, eziz qérindishim sheyx muhemmed bin zayidqa minnetdarliq bildürimen» dégen ibarilerge orun berdi.
