erdoghan ennehyan bilen körüshti
jumhur reis rejep tayyip erdoghan ereb birleshme xelipilikidiki ziyariti dairiside ebu zebi text warisi shahzade sheyx muhemmed bin zayid ennehyan bilen körüshti.
ürkiye awazi radiyosi xewiri: jumhur reislik mehkimisi uchur – alaqe ishliri idarisi teripidin bu heqte élan qilinghan bayanatta, mundaq déyildi: «jumhur reisimiz rejep tayyip erdoghan, ebu zebi text warisi shahzade sheyx muhemmed bin zayid ennehyan bilen ayrim körüshti.»
ereb birleshme xelipilikining resmiy xewer agéntliqi (WAM) ning xewiridimu, erdoghan bilen bin zayidning paytext ebu zebidiki «elweten sariyi» da körüshkenliki, uchrishishta, ikki terep munasiwetliridin sirt yene, rayonluq özgirishler heqqide muzakire élip bérilghanliqi, hemde rayonluq bixeterlik, tinchliq we muqimliqni kücheytish tirishchanliqliri arqiliq saqliniwatqan mesililerni tinch yollar bilen hel qilish chare – tedbirlirini qollash toghrisida birdeklik hasil qilinghanliqi tekitlendi.
xewerde déyilishiche, bin zayid, jumhur reis erdoghan bilen élip barghan uchrishishida, bu muhim ziyaretning hemkarliqni kücheytish we ortaq paaliyet élip bérishta yépyéngi parlaq bir dewrning bashlanghuchi bolushigha tilikdashliq bildürgen, hemde rayonluq tinchliq we hemkarliq mesililiride tashlinidighan her bir qedemni qizghin qarshi alidighanliqlirini eskertish bilen bir waqitta, dölitining, rayondiki türlük qiyin ötkellerge qarshi ortaq küresh qilish üchün türkiye bilen hemkarliq ornitishining nahayiti zor ehmiyetke ige ikenlikini tekitligen.
