dölet xewpsizlik kéngishi rusiye bilen ukrainani soghuqqanliq bilen heriket qilishqa chaqirdi

türkiye awazi radiyosi xewiri: jumhur reis rejep tayyip erdoghanning riyasetchilikide, jumhur reislik mehkimiside chaqirilghan dölet xewpsizlik kéngishi yighinidin kéyin élan qilinghan bayannamede, yighinda, türkiyening 2021 – yilliq milliy bixeterliki üchün nahayiti muhim bolghan siyasiy, herbiy, iqtisadiy we ijtimaiy özgirishlerge keng dairilik qarap chiqilghanliqi, 2022 – yili duch kelgüsi xirislar we bu dairide tashlanghusi qedemler heqqide muzakire élip bérilghanliqi tekitlinip mundaq déyildi: «yighinda, rusiye fédératsiyesi bilen ukraina otturisidiki jiddiylikning künséri küchiyishp kétishi mesilisi muzakire qilindi. jiddiylikning küchiyip kétishining héchkimge paydisi yoqtur. barliq tereplerni soghuqqanliq bilen heriket qilip, jiddiylikni peseytishke chaqirimiz. yighinda yene, kawkaz rayonida tinchliq we muqimliqni kücheytish meqsitide qurulghan méxanizmlar we bu heqte körsitiliwatqan tirishchanliqlarni, türkiye we erméniyeni öz ichige alghan barliq tereplerning  ijabiy we semimiy tirishchanliqi sayisida téximu ilgiri sürgili bolidighanliqi tekitlendi. biperwaliq bilen xelqara qanungha xilapliq qiliwatqan we heqiqetni burmilap hem kélishimlerge xilapliq qilip, arallarni qorallandurushta ching turuwatqan girétsiye, bizning diyalog we hemkarliq chaqiriqimizgha semimiy jawab qayturushqa teklip qilindi, bizning ege déngizi we aqdéngizdiki qanunluq hoquqimiz we menpeetimizni qoghdash iradimizning qetiyliki tekitlendi.»