дөләт хәвпсизлик кеңиши русийә билән украинани соғуққанлиқ билән һәрикәт қилишқа чақирди

түркийә дөләт хәвпсизлик кеңиши русийә билән украинани соғуққанлиқ билән һәрикәт қилип, сүркилишни пәсәйтишкә чақирди.

1769543
дөләт хәвпсизлик кеңиши русийә билән украинани соғуққанлиқ билән һәрикәт қилишқа чақирди

түркийә авази радийоси хәвири: җумһур рәис рәҗәп таййип әрдоғанниң рийасәтчиликидә, җумһур рәислик мәһкимисидә чақирилған дөләт хәвпсизлик кеңиши йиғинидин кейин елан қилинған байаннамәдә, йиғинда, түркийәниң 2021 – йиллиқ миллий бихәтәрлики үчүн наһайити муһим болған сийасий, һәрбий, иқтисадий вә иҗтимаий өзгиришләргә кәң даирилик қарап чиқилғанлиқи, 2022 – йили дуч кәлгүси хирислар вә бу даиридә ташланғуси қәдәмләр һәққидә музакирә елип берилғанлиқи тәкитлинип мундақ дейилди: «йиғинда, русийә федератсийәси билән украина оттурисидики җиддийликниң күнсери күчийишп кетиши мәсилиси музакирә қилинди. җиддийликниң күчийип кетишиниң һечкимгә пайдиси йоқтур. барлиқ тәрәпләрни соғуққанлиқ билән һәрикәт қилип, җиддийликни пәсәйтишкә чақиримиз. йиғинда йәнә, кавказ районида тинчлиқ вә муқимлиқни күчәйтиш мәқситидә қурулған механизмлар вә бу һәқтә көрситиливатқан тиришчанлиқларни, түркийә вә әрменийәни өз ичигә алған барлиқ тәрәпләрниң  иҗабий вә сәмимий тиришчанлиқи сайисида техиму илгири сүргили болидиғанлиқи тәкитләнди. бипәрвалиқ билән хәлқара қанунға хилаплиқ қиливатқан вә һәқиқәтни бурмилап һәм келишимләргә хилаплиқ қилип, аралларни қоралландурушта чиң туруватқан гиретсийә, бизниң дийалог вә һәмкарлиқ чақириқимизға сәмимий җаваб қайтурушқа тәклип қилинди, бизниң әгә деңизи вә ақдеңиздики қанунлуқ һоқуқимиз вә мәнпәәтимизни қоғдаш ирадимизниң қәтийлики тәкитләнди.»



مۇناسىۋەتلىك خەۋەرلەر