erdoghan: rusiyening ishghal yolini tallimasliqini ümid qilimen

jumhur reis rejep tayyip erdoghan rusiyening ukrainagha qoralliq hujum qilish we ishghal yolini tallimasliqini ümid qilidighanliqini bildürdi.

1768947
erdoghan: rusiyening ishghal yolini tallimasliqini ümid qilimen

türkiye awazi radiyosi xewiri: jumhur reis erdoghan, xususiy bir téléwiziye qanilida, küntertipke munasiwetlik özgirishler we rusiye – ukraina otturisidiki sürkilish heqqide toxtalghanda, mundaq dédi: «eger rusiye pirézidénti wiladimir putin bilen ukraina pirézidénti wladimir zéléniski arzu qilghan teqdirde, bu ikki rehberni dölitimizde bir yerge jem qilip, tinchliq muhitining qaytidin berpa qilinishigha élip baridighan yolni échishimiz mumkin. dölitimiz ukrainaning zémin pütünlüki we igilik hoquqini qoghdishini bashtin tartipla  qollap keldi, bu pozitsiyemizning özgirishi mumkin emes.  rusiyening ukrainagha qoralliq hujum qilish we ishghal yolini tallimasliqini ümid qilimen. derweqe, bundaq bir qedem, hem rusiye hem rayonimiz üchün eqil – parasetke tayinip tashlanghan qedem bolmaydu.»

sherqiy aqdéngizda türkiyeni yoqqa chiqiridighan herqandaq bir layihening muweppeqiyetlik bolalishining mumkin emeslikini éytqan jumhur reis erdoghan, israiliye pirézidénti yitzaq hérzogning féwral éyining bashlirida türkiyede ziyarette bolushining pilanliniwatqanliqini tekitlep mundaq dédi: «bu ziyaret bilen birlikte türkiye – israiliye munasiwetliride yépyéngi bir dewr bashlinishi mumkin.»


خەتكۈچ: #türkiye , #ukraina , #rusiye , #erdoghan

مۇناسىۋەتلىك خەۋەرلەر