әрдоған: русийәниң ишғал йолини таллимаслиқини үмид қилимән

җумһур рәис рәҗәп таййип әрдоған русийәниң украинаға қораллиқ һуҗум қилиш вә ишғал йолини таллимаслиқини үмид қилидиғанлиқини билдүрди.

1768947
әрдоған: русийәниң ишғал йолини таллимаслиқини үмид қилимән

түркийә авази радийоси хәвири: җумһур рәис әрдоған, хусусий бир телевизийә қанилида, күнтәртипкә мунасивәтлик өзгиришләр вә русийә – украина оттурисидики сүркилиш һәққидә тохталғанда, мундақ деди: «әгәр русийә пирезиденти виладимир путин билән украина пирезиденти владимир зелениски арзу қилған тәқдирдә, бу икки рәһбәрни дөлитимиздә бир йәргә җәм қилип, тинчлиқ муһитиниң қайтидин бәрпа қилинишиға елип баридиған йолни ечишимиз мумкин. дөлитимиз украинаниң земин пүтүнлүки вә игилик һоқуқини қоғдишини баштин тартипла  қоллап кәлди, бу позитсийәмизниң өзгириши мумкин әмәс.  русийәниң украинаға қораллиқ һуҗум қилиш вә ишғал йолини таллимаслиқини үмид қилимән. дәрвәқә, бундақ бир қәдәм, һәм русийә һәм районимиз үчүн әқил – парасәткә тайинип ташланған қәдәм болмайду.»

шәрқий ақдеңизда түркийәни йоққа чиқиридиған һәрқандақ бир лайиһәниң мувәппәқийәтлик болалишиниң мумкин әмәсликини ейтқан җумһур рәис әрдоған, исраилийә пирезиденти йитзақ һерзогниң феврал ейиниң башлирида түркийәдә зийарәттә болушиниң пиланлиниватқанлиқини тәкитләп мундақ деди: «бу зийарәт билән бирликтә түркийә – исраилийә мунасивәтлиридә йепйеңи бир дәвр башлиниши мумкин.»



مۇناسىۋەتلىك خەۋەرلەر