erdoghan iran pirézidénti ibrahim reiysi bilen körüshti

jumhur reis rejep tayyip erdoghan iran pirézidénti ibrahim reiysi bilen téléfonda körüshti.

1766873
erdoghan iran pirézidénti ibrahim reiysi bilen körüshti

türkiye awazi radiyosi xewiri: jumhur reislik uchur - alaqe idarisining bayanatigha asaslanghanda, téléfon söhbitide türkiye-iran munasiwetliri we rayon xaraktérliq mesililer muzakire qilinghan.

söhbette jumhur reis erdoghan pat yéqinda téhranda ötküzülmekchi bolghan yuqiri derijilik hemkarliq kéngishi yighini we bu dairide imzalinidighan kélishimlerge dair xizmetlerning dawamlishiwatqanliqini bildürgen.

jumhur reis erdoghan yene bir tereptin, kawkaz rayonida tinchliq we muqimliqni hakim qilish üchün tirishchanliqlarni dawamlashturiwatqanliqini tilgha élip, bu dairide ezerbeyjan pirézidénti ilham eliyéw bilen birlikte qurup chiqqan 3 + 3 munbiri yighinidin kéyin, bu yighinningmu türkiyening sahibxanliqida ötküzulishini xalaydighanliqini eskertken.



مۇناسىۋەتلىك خەۋەرلەر