erdoghan: tinchliq üchün muressechilik rolini jari qildurushimiz mumkin

jumhur reis rejep tayyip erdoghan rusiye – ukraina otturisidiki kirizisni hel qilish yolida zörür tépilghanda muressechilik rolini jari qilduridighanliqlirini éytti.

1766476
erdoghan: tinchliq üchün muressechilik rolini jari qildurushimiz mumkin

türkiye awazi radiyosi xewiri: erdoghan, istanbulda küntertipke munasiwetlik mesililer heqqide bergen bayanatida, mundaq dédi: «(rusiye – ukraina otturisidiki sürkilish) ishghaliyetke qarap yüzlengen her qandaq bir özgirishke aylinip ketken, yaki urush partilighan teqdirde, bu, rayonning tinchliqi üchün intayin éghir aqiwetlerni élip kélidu. derweqe, bu ehwal, rayonni éghir derijide parakendichilikke salghinidek, 40 milyongha yéqin nopusqa ige ukraina we rusiyede qalaymiqanchiliqning yüz bérishini keltürüp chiqiridu, biz türkiye bolush süpitimiz bilen bundaq ehwalning yüz bérishini qobul qilmaymiz. türkiyening rusiye bilen bolghan diplomatik munasiwiti nahayiti yaxshi, bu dairide, herbiy, medeniyet chiqish nuqta qilinghan barliq mesililerde türkiye – rusiye munasiwetliri barghanséri tereqqiy qilmaqta, ukraina bilenmu shundaq. bu ijabiy özgirishlerning rusiye bilen ukraina otturisida selbiylikke aylinip qélishini qobul qilalmaymiz.»

rusiye bilen ukraina otturisida tinchliq ornitilishi üchün  zörür tépilghanda türkiyening muressechilik rolini jari qilduridighanliqini eskertken erdoghan, mundaq dep körsetti: «men bu mesilide bizning zimmimizge yüklengen wezipimizni qandaq bolushidin qetiynezer ada qilishqa teyyar ikenlikimizni alliqachan bayan qilghanidim. hazir méning aldimda ukraina ziyariti bar. bu jeryanda, belkim (rusiye prézidénti wiladimir) putin ependim bilen téléfonda  körüshüshüm, weyaki moskwada ziyarette bolushum mumkin. biz rayonda tinchliq ornitilishini xalaymiz, zimmimizge yüklengen wezipimizni ada qilishqimu her daim teyyarmiz.»



مۇناسىۋەتلىك خەۋەرلەر