چاۋۇشئوغلۇ يائىر لاپىد بىلەن تېلېفونلاشتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقىدىن ئىگىلىنىشچە، مىنىستىر مەۋلۈت چاۋۇشئوغلۇ ئىسرائىلىيە تاشقى ئىشلار مىنىستىرى يائىر ياپىد بىلەن تېلېفونلاشقان.

دىپلوماتىك مەنبەلەر ئىسرائىلىيە پىرېزىدېنتى ئىساك ھېرزوگنىڭ تۈركىيەدە زىيارەتتە بولۇش ئېھتىماللىقى ھەققىدە توختىلىپ، جۇمھۇر رەئىس ئەردوغاننىڭ «تۈركىيەدە زىيارەتتە بولۇشىڭىزنى كۈتىمىز» دېگەن تەكلىپىگە «مەنمۇ تۈركىيەگە بېرىشنى خالايمەن» دەپ جاۋاب بەرگەنلىكىنى بىلدۈرگەنىدى.

مەزكۇر زىيارەتنىڭ ۋاقىت جەدۋىلى مۇئەييەنلەشمىگەن بولمىسىمۇ، تۈركىيە - ئىسرائىلىيە ئوتتۇرىسىدا ئوخشىمىغان سەۋىيەلەردە سۆھبەتلەر داۋاملاشماقتا.