shiwéyétsariyede erdoghanni hujum nishani qilghan gumandarlar heqqidiki sot bashlandi

shiwéyétsariyede 2017-yilidiki namayishta jumhur reis rejep tayyip erdoghanni hujum nishani qilghan gumandarlargha alaqidar sot bashlandi.

1764835
shiwéyétsariyede erdoghanni hujum nishani qilghan gumandarlar heqqidiki sot bashlandi

türkiye awazi radiyosi xewiri: shiwéyétsariyening paytexti bérnda ashqun solchi teshkilatlar teripidin uyushturulghan yighilishta térorluq teshkilatliri p k k,  d h k p - j we y p g gha tewe bayraqlarni kötürishiwalghan térrorluq teshkilati qollighuchilirigha shundaqla 2017-yilidiki namayishta jumhur reis rejep tayyip erdoghanni hujum nishani qilghan lozinkilargha alaqidar sot bashlandi.

türkiyede asasiy qanungha tüzitish kirgüzüshni omumiy xelqning awazigha qoyush dawamlishiwatqan mezgilde, ashqun solchilar 2017-yili 25-mart bérnda ötküzülgen yighilishta, erdoghanning béshigha qoral tenglengen resimlerni we «erdoghanni öltürünglar» dégen xetning astigha «özining qorali bilen» dégen sözler yézilghan lozinkilarni kötürüshüp namayish qilishqan idi.

shiwéyétsariye metbuatliridiki uchurlargha asaslanghanda, bérn teptish mehkimisi 4 jawabkargha 2017-yili martta «ochuq-ashkare jinayet ötküzüsh we zorawanliqqa qutratquluq qilish» jinayiti bilen jaza höküm qilghan idi.

mezkur lozinkilarni teyyarlighan we shiwéyétsariye metbuatlirida «solchil paaliyetchiler» süpitide  tonushturulghan gumandarlarning naraziliqigha asasen ispat anglash yighini échish qarar qilinghan idi.

bérn rayonluq sot mehkimiside bu 4 jinayet gumandarini sotlash tünügün bashlandi.

sotning axiriqi qararini mushu heptining axirida yaki düshenbe küni élan qilishi mölcherlenmekte.

bérnda yüz bergen bu weqe enqere dairilirining qattiq naraziliqigha uchrighan we  tashqi ishlar ministirliqi térorluq teshkilati qollighuchilirining jumhur reis erdoghanni hujum nishani qilghan namayishlirigha étiraz bildürgen idi.  



مۇناسىۋەتلىك خەۋەرلەر