erdoghan rusiye - ukraina jiddiychiliki toghrisida toxtaldi

jumhur reis rejep tayyip erdoghan rusiyening ukrainani bésiwélish éhtimalini emeliyetke uyghun dep qarimaydighanliqini éytti.

1764595
erdoghan rusiye - ukraina jiddiychiliki toghrisida toxtaldi

türkiye awazi radiyosi xewiri: albaniye ziyaritining axirida muxbirlarning soallirigha jawab bergen jumhur reis erdoghan , rusiye – ukraina weziyiti toghrisidimu toxtaldi.

özining rusiyening ukrainani bésiwélishini emeliyetke uyghun ehwal dep qarimaydighanliqini bildürgen erdoghan, ukrainaning adettiki dölet emes, belki küchlük dölet ikenlikini éytti.

jumhur reis erdoghan, rusiyening ishghal qilish qedimini bésishtin burun pütün dunya weziyiti we özining ehwalini tekshürüp körüshi kéreklikini tekitlidi.

u ukrainada ziyarette boluwatqan ezerbeyjan pirézidénti ilham eliyéw bilen téléfonlishidighanliqini bayan qilip, bu mesililerni rusiye pirézidénti wiladimir putin bilenmu muzakire qilish kéreklikini otturigha qoyghandin kéyin sözini dawamlashturup: «chünki bu rayonlar urushni emdi qobul qilalmaydu. bundaq qilish toghrimu emes. hazir biz urushni siyaset tarixidin öchürüshimiz kérek. <men bir yerning zéminini ishghal qilip éliwalay> dégen logika bilen bu ishlar yürüshmeydu. hörmetlik putin bilen ötküzgen her qétimliq uchrishishimizda qirimning bésiwélinishi mesilisini qobul qilmaydighanliqimizni otturigha qoyup kéliwatimen. tashqi ishlar ministirimizmu buni mensepdashliri bilen sözliship kéliwatidu. mundaqche éytqanda, bizning bu jehettiki siyasitimiz éniq» dégenlerni qeyt qildi.

jumhur reis erdoghan yene, amérikaning girétsiyening sherqiy aqdéngizda israiliye we jenubiy qibris rom dairiliri bilen birlikte ishqa ashurushni pilanlawatqan EastMed turuba yoli türini qollishini qayturuwalghanliqi toghrisida toxtilip: «bu emeliyette ishqa ashurulidighan bir tür emes», dédi we amérikaning tennerxini hésablash arqiliq bu türge qiziqmighanliqini sözlirige ilawe qildi.

türkiye bolmay turup bundaq bir türning royapqa chiqmaydighanliqini tekitligen erdoghan: «chünki bu yerdin yawropagha gaz yollinidighan bolsa, u peqet türkiye arqiliqla ishqa ashidu» dédi.



مۇناسىۋەتلىك خەۋەرلەر