erdoghan: qaradéngizdiki tebiiy gaz tetqiqatini tamamlash xizmiti ishlinidu
jumhur reis rejep tayyip erdoghan qaradéngizdiki tebiiy gaz tetqiqatlirida 2022 – yili ichide barliq quduqlarda ishlepchiqirish harpisida tamamlash xizmiti ishlinidighanliqini éytti.
türkiye awazi radiyosi xewiri: jumhur reis erdoghan, albaniye ziyaritidin kéyin, zhurnalistlarning, qaradéngizdiki tebiiy gaz tekshürüsh – tetqiqat paaliyetlirige munasiwetlik soallirigha jawab bergende, mundaq dédi: «turuba liniyesi qurulushigha ishlitilidighan turubilar yétip kélishke bashlidi. bu turubilarning hemmisining texminen 10 qétimliq seperde portqa yétip kélishi pilanlanmaqta. déngizning tégige turuba yoli yasash xizmiti texminen 5 ay dawamlishidu. 2022-yili barliq quduqlarda tebiiy gaz ishlepchiqirishtin burun tamamlash xizmiti ishlinidu. xudayim buyrusa, bu layiheni 2023 – yiligha yétishtürimiz.»
erdoghan, «yéngi bir xush xewer kélermu?» teriqisidiki soalgha mundaq jawab berdi: «xudayim buyrusa, pütkül ümidimiz, ministirliqimizning paaliyetliri, xizmetdashlirimizning yetküzgen melumatliri, bolupmu yer tewresh tetqiqati paraxotlirimizning bizge bergen doklatlirining hemmisi mushu yönilishte bolup, bu xizmetning muweppeqiyetlik tamamlinishini kütüwatimiz. derweqe, bu xizmetni muweppeqiyetlik halda tamamlighinimizda, <iqtisadiy ünüm dégen néme, buning ehmiyiti qandaq?> dep sorighuchilargha, tégishlik jawab bérish pursitige érishimiz.»
