erdoghan: türkiye dunyadiki 10 chong dölet qataridin orun élish yolida ilgirilimekte

jumhur reis rejep tayyip erdoghan türkiyening mislisiz derijide qudret tapqanliini we dunya boyiche iqtisadiy jehettin küchlük 10 chong dölet qataridin orun élish yolida qetiy ishench bilen algha ilgirilewatqanliqini éytti.

1763115
erdoghan: türkiye dunyadiki 10 chong dölet qataridin orun élish yolida ilgirilimekte

türkiye awazi radiyosi xewiri: erdoghan, aydinda gherbiy kipash qeghez zawutining échilish murasimigha qatnashti, hemde bu yerde qilghan sözide, türkiyening, afriqa, asiya we yawropaning ishlepchiqirish merkizi bolghan bir döletke aylanghanliqini tekitlep mundaq dédi: «türkiye sanaet ishlepchiqirish körsetküchi% 144 ke yetken, ‹kowid – 19› yuqumigha qarimay  2 milyon 700 ming kishini qoshumche ishqa orunlashturghan, 205 dölet we rayongha éksport sodisi qiliwatqan bir dölettur. türkiye künséri qudret tépiwatidu, gülliniwatidu, dunya boyiche iqtisadiy jehettin küchlük 10 chong dölet qataridin orun élish yolida qetiy ishench bilen algha ilgirilewatidu. gherbiy kipash qeghez zawuti heqqide shuni alahide tekitlep ötimenki, muhit asrashni chiqish nuqta qilip, ishlepchiqirish xizmitini bashlaydighan bu zawut, yéshil özgertishkimu muhim töhpilerni qoshidu. élimizning 250 milyon dollarliq qeghez importini axirlashturidighan bu muessese, 200 milyon dollarliq éksportnimu ishqa ashuridu.»



مۇناسىۋەتلىك خەۋەرلەر