qibris arili tewelikide 6.4 bal yer tewridi

türkiye awazi radiyosi xewiri: türkiye jumhuriyiti apet we jiddiy ehwallarni bir terep qilish idarisining tor békitidiki uchurlargha qarighanda, türkiye waqti saet 4 din 7 minut ötkende aqdéngizda — qibris arilining gherbiy jenubida déngizda 6.4 bal yer tewrigen.

déngiz yüzining 5.06 kilomitir chongqurluqida yüz bergen yer tewreshning merkizining mersinning anamur nahiyesining texminen 134 kilomitir yiraqliqida ikenliki éniqlandi.

ijtimaiy taratqularda yer tewreshning qibris bashta bolup antalya, mersin, xatay, adana, isparta, burdur we konyada qatarliq jaylarda hés qilinghanliqi bildürüldi.

shimaliy qibris türk jumhuriyiti jumhur reisi ersin tatar, aqdéngizdiki yer tewreshte héchqandaq ziyan bayqalmighanliqini uqturdi.