ibrahim kalin amérikada qarabaghning azad qilinishining ehmiyiti üstide toxtaldi

türkiye awazi radiyosi xewiri: amérikaliq musulmanlarning nuqtiliq teshkilatliri teripidin her yili ötküzülidighan «MAS-ICNA» qurultiyigha qatnishish üchün amérikagha yétip barghan ibrahim kalin, türkiyening chikago bash konsulxanisida amérikida turushluq türkiye puqraliri bilen körüshti.

ibrahim kalin türkiye - amérika munasiwetlirining istratégiyelik hemkarliq nuqtiinezirini tereqqiy qilduridighan derijide intayin muhim ikenlikini tilgha élip, talash - tartishliq mesililerdin bashqa yene, türkiye bilen amérika dawamliq birlikte xizmet qilidighan we qoshulidighan sahelerningmu barliqini tekitlidi.

ibrahim kalin bir soalgha  jawap bérip, amérikada turushluq erméniye lobisining türkiyege qarshi turushni özlirige nisbeten kimliklirining bir qismigha aylanduruwilishqanliqini eskertip, «kawkaz rayonida bashqiche bir jeryan ilgirilimekte, hazir bu diasporaning barliq énérgiyesi we neziriyesini berpa qilghan qurulma yimirilish aldida turmaqta. mundaqche éytqanda, türkiye-erméniye yaki türkler-ermenler toqunushi emdilikte kawkaz rayonida axirlishish aldida turidu. qarabaghning azad qilinishi bilen musteqilliqigha ériship, ezerbeyjan zéminigha qoshulushigha egiship, u yerde tarixta yéngi bir sehipe échilghan boldi» dédi.