rejep tayyip erdoghan gérmaniyening yéngi bash ministirini tebriklidi
türkiye jumhur reisi rejep tayyip erdoghan gérmanye bash ministiri olaf sholz (Olaf Scholz) bilen körüshüp, yéngi mezgildimu ortaq tonush we istratégiyelik qarashning dawamliq asasiy orunda turidighanliqigha ishinidighanliqini bildürdi.
türkiye awazi radiyosi xewiri: rejep tayyip erdoghan tünügün (2021-yili 21-dékabir) gérmaniye bash ministiri olaf sholz bilen téléfonda körüshti.
jumhur reislik mehkimisi uchur-alaqe idarisining bayanatigha asaslanghanda, körüshüshte, türkiye-gérmaniye munasiwetlirini tereqqiy qilduridighan qedemler we rayon mesililiri muzakire qilinghan.
rejep tayyip erdoghan gérmaniye bash ministiri olaf sholzni wezipisini bashlighanliqi munasiwiti bilen tebriklidi.
u yéngi mezgildimu ikki dölet munasiwetliride ortaq tonush we istratégyelik qarashning dawamliq asasiy orunda turidighanliqigha ishinidighanliqini eskertip, qoyuq maslishish we daimliq alaqining paydiliq ikenlikini tekitlidi.
u türkiye-yawropa ittipaqi munasiwetlirining, eza bolush nuqtiiynezirini asas qilghan ijabiy küntertip ramkisida ilgirilishi kéreklikini bildürdi.
gérmaniye hökümet bayanatchisi stéfén hébshtghayt (Steffen Hebestreit) erdoghan-sholzning téléfon söhbiti toghrisida tünügün élan qilghan yazma bayanatida: «jumhur reis rejep tayyip erdoghan bash ministirni wezipisini bashlighanliqi munasiwiti bilen tebriklidi» dégen idi.
bayanatta, «türkiye bilen gérmaniye otturisidiki yéqin kordinatsiyeni dawamlashturush mesiliside oxshash pikirge ige. ikki terep munasiwetliri we tashqi siyaset mesililiri bu qétimqi körüshüshning merkiziy nuqtisi boldi» déyilgen idi.
