ئالتۇن: جۇمھۇر رەئىسىمىز ھەر دائىم خەلقنىڭ ھەق - ھوقۇقىنى ئاساسىي ئورۇنغا قويۇپ كەلدى

تۈركىيە ئاۋازى رادىيوسى خەۋىرى: فاھرەتتىن ئالتۇن ئىجتىمائىي تاراتقۇ سۇپىسىدىكى ئادرېسىدا جۇمھۇر رەئىس رەجەپ تاييىپ ئەردوغان توغرىسىدا ئۇچۇر ھەمبەھرىلەپ، (ئۇنىڭ ئىقتىسادىي ساھەدە تاشلىغان قەدەملىرى ۋە دۆلەت ئىقتىسادىنىڭ گۈللىنىشىگە قوشقان تۆھپىسىگە ئىشارەت قىلغان ھالدا): «جۇمھۇر رەئىسىمىز رەجەپ تاييىپ ئەردوغان ھەر دائىم بۇ ئېسىل خەلقىمىزنىڭ ھەق – ھوقۇقىنى ياقلاپ كەلدى. ئۇنىڭ كۈچلۈك ۋە قەتئىي كۈرىشىنىڭ مەركىزىدە خەلقىمىزنىڭ باياشاتلىقىنى كاپالەتلەندۈرۈش، دۆلىتىمىزنى بېقىندىلىق قىلتىقىدىن قۇتۇلدۇرۇش ياتىدۇ. يولىدىن قەتئىي قايتمىدى ۋە شۇكۇرلەر بولسۇنكى، يەنە ئورۇنلۇق بولۇپ چىقتى دېگەنلەرنى قەيت قىلدى.