erdoghan afriqaliq yashlar bilen uchrashti

türkiye awazi radiyosi xewiri: erdoghan özining ijtimaiy alaqe supisida afriqa yashliri bilen körüshkenlikige dair bir sin körünüshini ortaqliship: «3 - nöwetlik türkiye - afriqa hemkarliqi bashliqlar yighini munasiwiti bilen pirézidéntliq mehkimisidiki millet kutupxanisida afriqa yashliri bilen körüshtüm. döletlirige qaytqinida türkiyening pexriy wekili bolidighan bu yashlarning semimiylikidin intayin xushalmen» dégenlerni qeyt qildi.

erdoghan uchurida: «afriqa yashliri bilen ötküzgen uchrishishimizda, kitabimni oqughan togoluq bir yash bilen <téximu adil bir dunyani qandaq berpa qilghili bolidighanliqi> toghrisida söhbetleshtuq. inshaallah, afriqaliq qérindashlirimiz bilen bolghan ittipaqliqimizni kücheytip, adalet kürishimizni ghelibige érishtürimiz» dégen ibarilerge orun berdi.

sin körünüshide, enqere haji bayram weli uniwérsitéti xelqara munasiwetler bölümining chadliq oqughuchisi ömer yehyaning istiqlal shairi mehmet akif ersoyning «zulumni alqishliyalmaymen» namliq shéirini oqughan qisimgha orun bérildi.

yehya shéirini oqup bolghandin kéyin, erdoghan: «mashallah, sen bu shéirni mendin yaxshiraq oqudung, men bu shéir bilen birinchilikke érishkenidim» dédi.