aqar: türkler bilen kurdlar qérindash, qalaymiqanchiliq peyda qilmaqchi bolghanlar utuq qazinalmaydu
dölitimiz (türkiye jumhuriyiti) mudapie ministiri xulusi aqar: «türkler bilen kurdlar qérindashtur. jédel – majire, qalaymiqanchiliq peyda qilmaqchi bolghanlar ilgiri utuq qazinalmidi, ular bügünmu, etimu muweppeqiyet qazinalmaydu» dédi.
türkiye awazi radiyosi xewiri: ministir xulusi aqar batman soda- sanaetchiler birleshmisining yéngi mulazimet binasining échilish murasimigha qatnashti we u yerdiki sözide, térrorluq teshkilati p k k bilen y p g otturisida héchqandaq perq yoqluqini tekitlep: «p k k / y p g hergizmu kurd qérindashlirimizning wekili bolalmaydu. xuddi daésh musulmanlargha qandaq wekillik qilmisa, térrorluq teshkilati p k k / y p g mu kurd qérindashlirimizning wekili bolalmaydu. türkler bilen kurdlar qérindashtur. esirlerdin buyan oxshash nan we sudin teng behrimen bolup kéliwatimiz. bizning shanliq bayriqimiz we sanjiqimiz üchün jénini pida qilghan qehriman shéhitlirimizmu yanmuyan yatmaqta. bashta chanaqqele shéhitliki bolup, barliq shéhitliklerge qarighinimizda bu kartinini roshen köreleysiler. jédel – majire, qalaymiqanchiliq peyda qilmaqchi bolghanlar ilgiri utuq qazinalmidi, ular bügünmu, etimu muweppeqiyet qazinalmaydu» dégenlerni qeyt qildi.
