altun jumhur reis erdoghanning qatar ziyariti toghrisida toxtaldi

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun ijtimaiy alaqe tori twittérdiki adrésida uchur hembehrilep, jumhur reis rejep tayyip erdoghanning qatar ziyariti jeryanida ikki dölet munasiwetlirini kücheytidighan bir qatar kélishimlerning imzalanghanliqini uqturdi.

fahrettin altun uchurida, jumhur reis erdoghanning qatar emiri sheyx temim bin hemed al sani bilen ikki dölet hemkarliqini kücheytidighan bir qatar kélishimlerni imzalighanliqini eskertti.

iqtisad, xewpsizlik, diplomatiye, medeniyet, sayahet we maarip saheliride hemkarliq ornitishni mezmun qilghan kilishimlerni yaqlap muhim qedemlerning tashlanghanliqini bildürgen altun, sözini dawamlashturup: «dölet ichi – sirtidiki yalghanlargha, qarilash dolqunlirigha, tetür teshwiqatlargha perwa qilmastin, sélinma, ish pursiti yaritish, ishlepchiqirish we éksportni tayanch qilghan iqtisadimiz bilen jumhur reisimizning rehberlikide dölitimizning tereqqiyatigha hesse qoshushqa tirishimiz» dégenlerni qeyt qildi.